(’n variasie op tik jy my, dan pik ek jou)
– in exclusive books –
op die bleek vel
van jou digbundel
op bladsy 27
ontdek ek ’n ooghaar
vuildun sekelmaan
se onversorgde nael
het die beminde
dit hier deurgeblaai
haar dns-spoor in woordvlies
geïnkarneer
sy het jou te onverskillig afgelê
met jou tong diakrities laer
as kardinale stand
het jy die sirkumfleks
uit haar naam verswyg