Stilbaai
Vat die afdraai op die N2
Die paadjie na die diep blou see
Na 26km se ry
Sal jy die “Baai van die Slapende Skoonheid” kry
Anderkant die brug lê die hart van die baai
Die pad loop deur tot onder in die kaai
Teen die bult op volg jy die spoor
Verby die petrolpomp en die poskantoor
REFREIN:
Kom maak ? draai op Stilbaai
Laat die wind jou tot hier waai
Stilbaai se stil aande
Soos in geen ander lande
Kom vang ? vissie by Jongensfontein
Kry ? kabeljou aan jou lyn
Stilbaai, hier wil ek bly
Stilbaai, waar ek vrede kry
Eeue se geheime lê in die vywers gepak
Klipmure wat mettertyd in die sand wegsak
Kom swem saam by Lappiesbaai
Waar die windjie die blouvlag waai
Saans op die strand is die jonges aan die gang
Wie weet wat hulle als daar aanvang?
Die oumense is al vroeg in die kooi
Ons gaan nou eers ? draai by 3 Ankers gooi
REFREIN
Desembers bars die nate oop
As die Valies hier rondloop
Met hulle spogmotors
en hul beursies wat groot is
Vakansie gaan tog so vinnig verby
Maar hier sal jy jou rus kan kry
Wanneer ons vir Stilbaai groet
is dit vir almal bitter-soet
REFREIN
Gelukkig is dit net een jaar
voor ons weer in die son kan baljaar
Vir nou sê ons eers vaarwel
Stilbaai, almal se pêl
