Litnet

Hensop, Gay ou man!

Ek het die brief van Gay Ou Man gelees wat absoluut tragies voorkom. Tragies omrede sy geloof hom ‘n lewenslange sielswroeging laat ly het, vandag nog, en ook omrede hy sy impotensie net so gelate aanvaar (gehensop) het. Belustig maar is seks nie meer uitvoerbaar nie. Hierdie is nie net ‘n gay probleem nie. Dit is eintlik meerendeels ‘n “straight” probleem, omrede daar soveel meer straights as gays is wat hierdie sielswroeging ondergaan en impotensie gedweë aanvaar, nieteenstaande belustigheid.

As gevolg van menslike (nie-goddelike) vernuf kan daar vandag iets daaromtrent gedoen word. Professionele (nie die Kobus-tipe nie) sielkundige berading vir die sielswroeging, en medikasie vir die impotensie wat vandag beskikbaar is. Gegewe dat in sy jong jare was hierdie dienste nie beskikbaar nie, maar vandag is dit, en ons konstitusie beskerm gays se regte, nieteenstaande dat homofobie nooit uitgeroei gaan word nie, veral wanneer dit deur godsdienstiges aangeblaas word.

Maak nie saak hoe oud ‘n man of vrou word nie, en hy/sy bly belustig, kan daar vandag iets daaromtrent gedoen word. Ongelukkig is die vereiste dat daar genoegsame geld vir die doel is. My raad aan die jong man van vandag is om reeds noual finansiële voorsiening daarvoor te maak, want lewe hy lank genoeg, gaan dit met hom gebeur. Weens die feit dat dit as kosmeties deur die mediese skemas beskou word, dek hulle dit nie.

Met impotensie kan kunsmatige ereksie op die volgende maniere bekom word, nl vassodilators soos Viagra, Cyalis en ander. Waar die nie meer kan help nie, is die volgende moontlikheid nl Caverjet, ‘n penisinspuiting. Indien die penis tot so ‘n mate beskadig is, is die finale opsie ‘n penis implant, waar die penis kunsmatig soos ‘n balon opgeblaas kan word.

Waar die seksdrang (libido) swak is, word testosterooninspuitings gebruik, want ‘n tekort aan testosteroon op die ou dag is gewoonlik die oorsaak van beide impotensie en swak seksdrang. Die normale bloedlesing vir testosteroon is tussen 9 en 29. Die hoër syfers geld vir die jong man, wat geleidelik afneem na gelang die ouderdom vorder. Onder 9, en veral so laag as onder 5, word die persoon soortgelyk as die van ‘n eunuch, impotent, fisies swak, vel en spiere sag, vet opbou om die maag en heupe, en tiete ontwikkel wat met ‘n vrou s’n kan meding. Testosteroon versterk die beenstruktuur. Tekort daaraan veroorsaak osteoperosis (heelwaarskynlik Ou Gay Man se geval volgens sy beskrywing met die kierie). Indien impotensie uitsluitlik te wyte aan testosteroon tekort gediagniseer word, en die vlak word herstel, is ander kunsmatige aanhelp oorbodig.

Ek het ‘n gay vriend (‘n wewenaar, Vrystaatboer met twee volwasse kinders), wat juis ‘n gesonde uitkyk op seks het. Hy is vandag 81 jaar oud, maar lyk soos ‘n man van 51, weens harde plaaswerk en omrede hy sy eie gym het. Na sy vrou se dood in sy sestigerjare, het hy teenoor sy dominee gebieg hy is gay. Ironies en amper ongelooflik, het die hom na ‘n Johannesburg sielkundige verwys, maar intussen vir hom verseker dat hy nie sy kop daaroor moet breek nie. Die sielkundige het hom deur sy sielswroeging gehelp. Vanaf sy 70-jare het hy geleidelik impotent geword tot volle impotensie. Gedurende hierdie einste 70 jare, het hy ‘n 25-jarige gay lover bekom. Die het aanvanklik vir hom as ‘n sugar daddy met baie geld aangesien. Dit het my vriend min gepla, want hy het geluk en tevredenheid vir himself bekom. Vandag is hierdie toy boy in sy dertigerjare, en die liefde het oor die jare teenoor sy sugar daddy aangegroei. Hy is vandag werklik vir hom lief.

Hierdie vriend van my sit vandag met ‘n penis implant, wat ek uit nuuskierigheid vir hom gevra het om my te wys hoe dit werk. Die het hy sonder enige verleentheid vir my gedoen. Sy ereksie is soos ‘n jong man s’n, en indien jy nie geweet het nie, sou jy nie agterkom dat dit eintlik ‘n fopereksie is. Hy spuit himself tweekeer ‘n maand in met testosteroon om sy vlak daar om en by die 15 bloedlesing te hou. Hy neem tweekeer ‘n jaar bloedlesings vir sy testosteroon vlak, en PSA vir moontlike prostraatkanker, wat sy testosteroon iname moontlik kan aanhelp.

My vriend het op sy beurt my gelukkig gemaak, want dit het altyd vir my gepla wat gaan ek doen wanneer ek sy ouderdom bereid (eks nou 52). Hy het wrintigwaar vir my hoop gegee.

Jaco Fourie