Haikoe 1
uit die hemel neer
sproei genade van Jesus.
die saadjies antwoord.
Haikoe 2
Duiwelspiek eggo
die vlakte buk laag
nog ’n hond sterf van honger
Haikoe 3
leegtes word gevul
met niks waarneembaar nie
’n Herfsblaar lê vertrap.
Haikoe 4
ons vra tog verniet
alle stemme verdwerg
kapok bedek als
Haikoe 5
jou asem skroei my
my vel raak broos en bruin
twee klippies lê knus
Haikoe 6
blare blink sneeuwit
fluister sag en buig bewend
oor sagte vloere
Haikoe 7
bossies vasgeskop
vas teen hakiesdraadgebit
die vlaktes word naak
Haikoe 8
son spoel goud oor kroon
lig sypel stadig af, af
duiwe groet mekaar
Haikoe 9
die lug streel sag
oor wang en vingerpunt,
ligvoets trippel blare af
Haikoe 10
dennetakke steek
gate in die grou
houtskoolstrepe teen die blou
Haikoe 11
iewers klink ’n kar
se grom uit bo die gebrom
die stad wil nou dut
Haikoe 12
ou pêreltjie blink
in heelal oneindig ver
Janus draai wéér om
Haikoe 13
enig ontspring jy
uit die holte van een Hand
tollend kurwend wég