SêNet-briewe | Letters

 
Resensie van resensieresensent se resensie van 'n resensie

Ek sien op die LitNet-tuisblad ’n oulike logo, ’n tweesnydende swaard met die woord 'CRITO' daarbo op ’n helderrooi agtergrond, die prentjie smeek jou om op hom te klik.  Ek maak toe so en kom op ’n interessante ding af, naamlik hoe rassisties in wese die sogenaamde liberales eintlik is.

Dit is toe ’n ene Crito wat resensies resenseer en die eerste een is die resensie van Wilhelm Jordaan se resensie van Fred de Vries se Rigtingbedonnerd. Crito is oor die algemeen heel beïndruk met Wilhelm se resensie maar erg onthuts omdat Wilhelm sy resensie bederf deur nie heeltemal onstig te gewees het oor die afwesigheid van bruin Afrikaners nie (in die boek nou neem ek aan).

Hoe weet Crito en Wilhelm die bruin Afrikaners is afwesig? In wiskunde, byvoorbeeld, as jy van ’n versameling praat is dit sinneloos om te vra of ’n gedeelte van die versameling deel is van die versameling. As jy byvoorbeeld praat van die versameling positiewe reële getalle maak dit nie sin om te vra of 3, 17, 128, 129 en 4232 ook deel van die versameling is nie. 

Die blote feit dat Wilhelm en Crito, of enigiemand, die vraag vra dui dan daarop dat hulle iets vreemd opmerk wat dan kennelik nie deel van die versameling kan wees nie. Hulle vraag, as't ware, identifiseer ’n ander versameling wat dan die vraag sinneloos maak.

Die gemiddelde Engelsman het ’n weersin in die Afrikaner (ek het al Rykie van Reenen se verklaring hiervoor gegee) en om elke hoek en draai, en by elke denkbare geleentheid, soos Crito dit stel, het die Engelse koerante (en sommige Afrikaanse koerante EN Crito in haar eerste paragraaf) '... [ge]kielie-kielie aan die heilige Afrikaanse siel ...' deur Afrikanerskap te 'ondersoek' en dan leedvermakerig te verklaar dat Afrikaners swart bloed in hulle het.

Hierdie is uiters rassistiese optrede deur die Engelse koerante teenoor swartes; dat hulle bloedlyn, kan jy sê, gebruik word om ander mense te probeer beledig. Ek meen, stel jou voor jy sê vir ’n Duitser hy dink nou hy's so wonderlik maar, pê-wê-wê-wê, jy weet tog hy het Engelse bloed in hom.  Die ou wat hier beledig is, is nie die Duitser nie maar die Engelsman.

Om mee af te sluit, laat ek maar weer die definisie van ’n Afrikaner gee, net om seker te maak dat niemand dink ek ontduik iets nie. Iemand wat 'ja' antwoord op die vraag of hy ’n Afrikaner is, is ’n Afrikaner, ongeag velkleur, credo, oriëntasie, bloedgroep, wat ookal.

Jan Rap

Comments 0 Reaksies | 0 Comments
   om te reageer | to comment
    Slegs indien jy inteken sal:
  • jou kommentaar aan jou LitNet-profiel gekoppel word
  • kan jy aandui dat jy 'n boodskap wil ontvang indien ander kommentaar by hierdie artikel verskyn.
    When you sign in:
  • your commentary will be linked to your LitNet profile
  • you have the option of receiving notifications of new commentary on this article.

Reageer | Post a comment
Kommentaar is onderhewig aan moderering | Comments to be moderated
Naam | Name  
E-posadres | Email address