In Memoriam: Charles Fryer

  • 1

 

Charles Arnold Fryer is op 5 Maart 1946 op Calvinia gebore. Hy studeer aan die Universiteit van Stellenbosch en was deel van DJ Opperman se Letterkundige Laboratorium en later ook sy assistent. In 1975 word hy as boekeredakteur by Tafelberg aangestel, en met sy aftrede in 2002 was hy Uitgewer: Literêre fiksie by dieselfde uitgewery.

Charles Fryer is op 13 November 2014 oorlede.

Petra Müller (foto: LitNet) deel haar huldeblyk aan hom met LitNet.

 

Charles Fryer (foto: Etienne van Heerden)

 

Lees Annari van der Merwe se huldeblyk.

Lees ook Danie Botha se huldeblyk.

Lees ook Ellen Botha se huldeblyk.

  • 1

Kommentaar

  • Charles (ou Charley-boy) was ook my mentor - soos hy sekerlik vir baie ander was. My sekerste herinnering aan hom is toe ek hom 'geassisteer' het met die redigering van Elsa Joubert se Die reise van Isobelle.  Ek en Michael was pas getroud. Ek het saans tot ná 23:00 op kantoor gesit saam met Charles - om al sy skriftelike korreksies/aanpassings/voorstelle op die harde kopie, na  rekenaar oor te dra. Charles het in daardie dae ook 'n redelik permanente huisgas in ons eenvoudige huisie in Woodstock geword ... als ter wille van Die reise ... Hy het gemeen dis Elsa se meesterstuk.

    Dit was lank, lank gelede, maar ryk jare.

    Ek eer 'n ongelooflik komplekse man. 'n Man wat my so baie geleer het; maar wat my ook kláár gemaak het met sy intens skuinse humorsin; wat my aangemoedig het om self woorde op skrif te begin stel; wat my soms tot raserny frustreer het, maar meestal  geïnspireer het met sy (amper Aspergese) fokus en intellek.

    Rus in vrede, mentor en (somtydse) tormentor.

     

  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top