Bieg | Confess

 
Ek wonder wat van jou geword het
Die liedjie van Richard v/d Westhuizen & Lochner de Kock lui: “Ek wonder wat van jou geword het, jy wat nog so by my spook.”

Ek het die afgelope jaar en paar maande heerlike opwinding beleef met iemand wat ek op die internet ontmoet het, met wie ek gesels het op ’n daaglikse basis, wie ek kon kontak met enige probleem en wie altyd reg was met raad en vriendskap.

Hy het deel van my daaglikse bestaan geword, en ek kon soms nie wag om werk toe te kom om met hom te kon gesels per e-mail / sms / telefoon nie.

Die opwinding was great, want hy het my laat voel asof ek die mooiste en begeerlikste vrou op aarde is.  Ons het ons ingehoue passie en lus met mekaar gedeel, en het gedroom oor een dag wat ons dit kon uitleef.  Want ons albei se lewensmaats is koud, kouer as die Noordpool self.

Maar toe besluit ek, dat die vriendskap nie langer kon voortgaan nie, want dit was verkeerd.  Ek is getroud, hy is getroud, en die skuldgevoelens het my begin opvreet, daarom was ek genoodsaak om dit te staak.

Nou, dae soos vandag – waar my depressie op ’n laagtepunt is, en dit voel of ek nie langer meer wil aangaan met my huwelik of die lewe self nie – mis ek die gesels.

Daarom sê ek – "ek wonder wat van jou geword het".

Vrou van Pretoria

Comments 5 Reaksies | 5 Comments
Delete Comment
avatar
Roepman
2012-05-17 @09:28
Ek ken die gevoel ... die oneindige verlange en gemis na daai ONBEKENDE IEMAND wat so absoluut onmisbare deel van mens se lewe word ... ek het n GREAT vrou verloor wat my so special laat voel het ... en my laat besef het wat ek alles mis ... ook getroud ... ook kinders ... ook die skuldgevoel ... ek het dit ook gehad ... en dit ook verloor ... dalk wie weet eendag sal mens verstaan. Hoekom is die lewe so complicated?
Delete Comment
avatar
Noddie
2012-05-18 @14:08

Die persoon was nie onbekend aan my nie, ons het al in vlees ontmoet een middag, gesels met 2 glase lemoensap.  Die skuldgevoelens het my net begin opvreet, en ek was bang dat ek dalk uitgevang kon word, mens raak mos "mak" na 'n tyd.  Maar ek is soms baie spyt oor my besluit.  Ek kan net 'n e-pos stuur, of die telefoon optel, niks keer my nie.  Maar ek wil nie 'n "fool" van myself maak nie.  Dus, as hy hier lees, wil ek net sê "hi".

Delete Comment
avatar
Jozieboy
2012-06-01 @14:53
NODDIE
 
Ook ma mens !
 
Soms is dit reg dat mens jou "Gutfeel" vertrou en die rooiligte sien.
Delete Comment
avatar
bullet
2012-06-13 @15:03
Noddie,

Klink soos wat ek deur gegaan het. Ek was die man.
Dalk is dit jy?

Ekke
Delete Comment
avatar
Hunter
2013-10-30 @10:24
Vrou van Pretoria ek is in dieselfde situasie as jy. Sal graag met jou wil in aanraking wil kom. Iets belangriks om jou te vra en mee te deel.
   om te reageer | to comment
    Slegs indien jy inteken sal:
  • jou kommentaar aan jou LitNet-profiel gekoppel word
  • kan jy aandui dat jy 'n boodskap wil ontvang indien ander kommentaar by hierdie artikel verskyn.
    When you sign in:
  • your commentary will be linked to your LitNet profile
  • you have the option of receiving notifications of new commentary on this article.

Reageer | Post a comment
Kommentaar is onderhewig aan moderering | Comments to be moderated
Naam | Name  
E-posadres | Email address