Virrie slim academic Comestor

  • 10

Jan Rap skryf lat ‘ie Afrikaner niemand verstoot en vertrap het ‘ie. Dis ‘n nonsens storie sê hy. Absolute liegstorie, sê hy. En toe vat ek hom bietjie aan en toe kom ‘ie local academic Johannes Comestor (28 Maart) by met die volgende: En ek quote hom directly voorlat ek my sê hieso sê:

“Wouter Ferns sleep my in by John Fagoedien se eensydige skrywe. Ferns vind Fagoedien se uitlatings korrek. Soos dit 'n goeie witte betaam, bied hy selfs verskoning aan. Hy het klaarblyklik niks teen Fagoedien se sarkastiese gebaas nie. Juis dit toon dat Fagodien geen respek vir sy meerderes het nie en nog minder erkentlik is teenoor wat blankes en veral die Afrikaners in hierdie land tot stand gebring het.

As die Fagodiens eiendom in Goodwood verloor en op die Kaapse vlakte hervestig is, het dit nie sonder kompensasie geskied nie. Baie, waarskynlik die meeste, van die bruines wat verskuif is (bv uit Distrik Ses), het beter huisvesting gekry as wat hulle voorheen gehad het. Vergelyk dit met die groter onreg was deesdae teen boere gepleeg word. As hulle nie vermoor word nie, word baie van hulle van hulle plase ontneem. Die uitgesproke beleid van die ANC-regering is dat hulle nie ten volle (markwaarde) vergoed moet word nie. Die beleid is rassisme in sy suiwerste vorm. Van wittes word geneem en aan swartes gegee. Plase behoort nie 'n politieke speelbal te wees nie. Plase is daar om kos te voorsien. Die ANC-regering het al amptelik erken dat 90% van die grondoordragte klaaglike mislukkings is. Is dit nie sotlik dat openbare fondse so wanbestee word nie? Soos Zimbabwe was Suid-Afrika 'n netto kosuitvoerder. Deesdae is die land, soos Zimbabwe, 'n netto-kosinvoerder.

 In Suid-Afrika is algemene stemreg in 'n eenheidstaat 'n onding. Dit is sowel onregverdig as gevaarlik as die onontwikkelde, ongeletterde, oningeligte en maklik geïntimideerde massa beheer oor 'n goed of redelik ontwikkelde land oorneem. Binne twee dekades het Suid-Afrika ongetwyfeld 'n minder Westerse, minder beskaafde land geword. In die plek daarvan het afrikanisering, ondoeltreffendheid en ellende in oortreffende mate gekom.

Die paswette is nie deur Afrikaners uitgedink nie. Die eerste paswet is deur die goeie Britte in 1797 aan die Kaap ingestel. Sedert die afskaffing van passe is die land deur onwettige immigrante oorstroom en het misdaad dwarsoor die land in alle gebiede skerp toegeneem.

 Daardie afgesaagde verwysing na stootskrapers en kindertjies is 'n ANC-strontstorie. Wanneer 'n krotbuurt opgeruim is (iets wat in alle beskaafde lande gedoen word), is lank vooraf en selfs by herhaling kennis daarvan gegee. Dit is diegene wat te hardegat was om te gehoorsaam wat gekla het toe die opruiming begin. Gelukkig was daar toe nog wet en orde.”

My baas Comestor, my baas, djy wil hê onse Coloureds moet vir jou soort en Jan Rap RESPEK hê. Julle is mos onse MEERDERES, netso sê djy. Hoekom is julle onse meerderes? Ek wil wiet hoekom. Kom, sê hoekom is jy my meerdere. Issit oorlat jy wit is en ek bruin is? En waa’t jy gelees ek is nie erkentlik oor wat die Afrikaners hier gedoen het nie. Jy gee jouself mos voor as ‘ie academic writer hier op ‘ie SêNet, maar jy lees ‘ie ordentlik nie? Jou credibility is mos nou moer toe. Jy lees goed raak wat ek ‘ie gesê het ‘ie. En dan wil jy hê onse SêNetters moet jou lang academic dissections lees …

En lat ek nou vir jou ietsie verder wysmaak, my baas: Issie oor ‘ie compensation ‘ie, is oor onse mense afgedwing is van onse eie grond waar ons onse lewens staangemaak het met bloedsweet en harde werk. En jy sê dit was beter behuising? Jy lieg man! Jy’s Malan en Verwoerd en Vorster se agterryer, jy’t vi hulle ook baas gesê soos jy wil hê ek en my mense moet vi jou ook baas sê! Nou moan djy as ‘ie ANC dreig om te vat met compensation! Toe wasit reg ma’ nou isit verkeerd. Hoe sê djy?  ...“Rassisme in suiwerste vorm …”

En djy’s ‘n academic writer, djy pretend! So oorlat daar nóu plaasmoorde is, issit orraait lat onse possessions daai tyd van ons weggevat is. Sal ons ‘it nou “cause and result” in reverse noem? O ja, while on the topic, gie vi ons EEN voorbeeld waar ‘n witman se plaas weggevat is sonder billike markwaarde. Waa’s jou academic standards, my baas?

En dan ‘ie stemreg: My stem is ‘n onding sê djy, my baas Comestor. Onse mense is mos ongeletterd, oningelig en onontwikkeld, of wat praat ek nou, my baas? Onregverdig is ‘ie woord wat djy gebruik vir onse stemreg, en dan’s it nog gevaarlik daarby. En djy sê die ellende is erger. Vir ‘n so-called academic writer beskame djy jouself. Ek sal jou verneder as ek ‘ie statitiscs gaan haal oor acces tot water en electricity en die growth van ‘ie middle class en wat ook al. Ma ek het ‘ie die lus en ‘ie tyd om vir sukke clever academics soos djy nog hulle se lesse te leer nie. Gaat lees self ‘ie goed op djou computer.

En oorlat ‘ie paswette deur ‘ie Engelse uitgedink is, wassit reg lat die Afrikaners daarna vir veertig jaar en langer die darkies opgedonner het. Volgens djou academic slimgeid het ‘n dompas in Britstown of Worcester mos ‘ie immigrants van ‘ie landsgrens af weggehou! Kan djy nou meer? Dompas equals wet en orde? My academic baas?

En ‘ie ANC strontstorie vannie stootskrapers? En ‘ie harregatte wat’ ie wou buig voor ‘ie wit base nie? Wat ’ie gehoorsaam wou wees toe hulle gesê is om te hul eie kaart en transport prys te gee nie? En djy glo die Verwoerd en Vorster en Botha propaganda van ‘ie krotbuurte? En djy gie djouself uit as ‘n academic, ‘n student wat lees met ‘n kindle nogal?

Ma’ nou onthou ek: Djy was mos ‘ie ou wat ‘n tyd gelede geskryf het lat jy verlang na ‘ie dae toe djy en ‘ie family nog saans in Voortrekkerweg in ‘ie Goodwood winkelvensters gekyk het. Daa’s nou vi djou ‘n hunkering na die toekomstige verlede tyd. Sorry, my baas, dinge sal nooit wee dieselfde vir djou wees nie. Ons sal ons ‘ie weer lat wegdja van onse goed af ‘ie.

John Fagoedien

  • 10

Kommentaar

  • Johannes Comestor

    John, jy is seker van my oudste en getrouste lesers, want dit is donkiejare gelede dat ek nostalgies oor Goodwood se winkelvensters geskryf het. Jy het dan sekerlik ook kennis geneem wat ek op 12 Mei 2011 oor Distrik Ses geskryf het, sodat ek nie die inligting hoef te verhaal nie. Soos Wouter het jy deur die jare ongetwyfeld baie by my geleer. Ek sal jou dus maar laat wegkom met jou jongste skrywe pleks van die vloer te vee.

     

    Johannes Comestor

  • Comestor, 

     
    Jy dink ek het iets geleer by jou, wat dink jy sou dit wees? 
     
    Wat ek wel geleer het is hoe ek 'n boek kan maak reflekteer wat my menings is, en dan die skrywer onder bespreking se woorde te gebruik om my eie vooropgestelde idees te verwoord. Dit is werklik maklik, soos ek met die Isaiah Berlin gesien het, haal net aan wat jou eie gedagtes onderksraaf, maar laat die uitbreidings en kwalifisering en uiteindelike standpunt wat die skrywer formuleer uit jou aanhaling. 
     
    Nogal iets om te leer, dit was goed om te sien hoe dit gedoen word, jou brief in vergelyking met die biografie van Isaiah Berlin oop voor my en dan te kon volg hoe jy dit doen. 
     
    Trots daarop, dat jy my dit geleer het? 
     
    En met vloer vee, bedoel jy in plaas van sylangs persone barbaars te noem, jy uiteindelik die moed bymekaar skraap en dit direk doen, onthou jy hoe jy as "sensitiewe" persoon, die woord gatvlieg mildelik gebruik saam met 'n verskeidenheid van ander skelwoorde. 
     
    So is die beskaafdes en die sensitiewes onder ons. 
     
    Jy het my wel geleer, om die skrywer self te laat praat, my uit die prent te laat en die argument wat die skrywer formuleer tevore laat kom en attent te wees daarop, wanneer jy dit nie doen nie, en ook nie te dink dat twee boeke gekies deur rightwing nutjobs 'n korrekte weergawe van die stand van universiteite bied nie, dat een boek oor die "closing of the western mind" die finale antwoord bied oor die stand van rasionele denke in die weste na die val van die Romeinse Ryk. 
     
    Jy het my ook geleer dat die liberale opvoeding waarvoor jy gereeld hier propageer, jou nie 'n liberale persoon gemaak het nie en 'n verruiming van gees in jou gebring het nie. 
     
    Nog steeds trots?
     
    Baie dankie
     
    Wouter
     
  • Johannes Comestor

    Wouter, telkens doen jy die onetiese ding om my van verdraaiing te beskuldig al het jy nie die boek gelees nie. Jou motief is om my skrywes verdag by die lesers te maak. Die enkele keer dat jy wel kennis van die onderwerp het en dieselfde boek oor Roth gelees het, het jy geen kritiek nie, maar natuurlik ook geen lof daarvoor nie. Jy is gewoon nie in staat om so 'n boekbespreking te skryf nie, onder meer omdat jy nie aanhalingstekens gebruik nie (asof hulle nie bestaan nie, of te skaars en duur is) en anders as ek nie duidelike bibliografiese verwysings gebruik sodat wat gestel word maklik deur lesers gekontroleer kan word nie.

    Johannes Comestor

  • Hello Comestor, 

     
    Jy onthou sekerlik dat ek die brief van jou oor Isaiah Berlin van Michael ignatieff se biografie opgevolg met 'n brief van my kant af waarin ek duidelik uitgewys het hoe jy frases uit die boek misbruik het. 
     
    Die begin van 'n frase aanhaal, sonder dat jy die uiteindelike slotsom of die kwalifiserings asook die uiteindelike konteks nalaat, wat tot gevolg het dat 'n skrywer se woorde dan omvorm word om uiting te gee aan jou idees wat jy gehuldig het nog voor jy die boek gelees het. 
     
    Die skrywers word dus net 'n handpop van jou en hang jy jou eie menings aan die kapstok van die skrwers se woorde, deur net hulle woorde te gebruik om jou eie idees te verwoord, wat beteken dat in die proses word die werklike blik wat die skrywer huldig vervaag en vervang met wat jy in sonder die kruks van die boek ook kon geskryf het. 
     
    Nog 'n voorbeeld was die verskil oor "democratism" en demokrasie, waar jy die indruk geskep het dat die skrywers teen demokrasie is en nie aan jou lesers verduidelik het, wat die skrywers bedoel het met "democratism". 
     
    Nou kan dit net so lank uitgewys word, voor dit 'n negatiewe impak op my eie leestyd het en is daar ook nie meer die dringenheid van voorheen om alles wat ek al gelees het en in kontradiksie staan tot jou aanbieding daarvan, dan 'n brief te skryf nie. 
     
    Want ek moet los wat ek lees, weer die boek van die rak gaan haal, jou weer vertroud maak met die detail, gaan sit en dit alles tik. 
     
    Nog 'n voorbeeld is die Harold Bloom, wat jy gebruik het om te probeer bewys dat die gebrek aan swart skrywers in die kanon, kommentaar lewer oor die verskil tussen wit en swart, en wat jy onlangs opgevolg het deur Bellow met goedkeuring aan te haal wanneer die kla oor waar is die "Tolstoy of Zulus". 
     
    'n Idee wat jy deel, want dit bied onderskraging vir jou idees van beskawing, wie is beskaafd en wie is nie. 
     
    Soek dan vir my, die Shakespeare, Dante, Chaucer, Cervantes, Montaigne, Molière, John Milton, Samuel Johnson, Goethe, Wordsworth, Jane Austen, Walt Whitman, Emily Dickinson, Charles Dickens, George Eliot, Tolstoy, Henrik Ibsen, Freud, Proust, James Joyce, Virginia Woolf, Franz Kafka, Jorge Luis Borges, Pablo Neruda, Fernando Pessoa, Samuel Beckett, van die Afrikaner. Sonder die ekwivalente is die Afrikaner sekerlik ook nie beskaafd nie. Wat wel hier gebeur is dat 'n Afrikaner eis 'n Rus op as 'n bevestiging van hoe beskaafd hy is, deur die skrywes van 'n Amerikaner. 
     
    In die vyf boeke wat ek onlangs uitgelig het, was die doelstelling om so 'n verteenwoordigende moontlike aanbieding van die skrywer daar te stel, nie as 'n bespreking nie, maar net die argument van die skrwers na vore te bring, aangesien dit van toepassing was op besprekings wat op daardie stadium die rondte gedoen het. 
     
    Dus, "jy", gaan nie die boek lees nie, daarom bied ek vir die leser 'n precis, aangesien die inligting as waardevol genoeg beskou was deur my. Wat die bibliografiese verwysings betref, gaan kyk na al my briewe en kommentare, daar is geen onduidelikheid waaruit ek put nie en word dit duidelik uitgespel en krediet aan die skrywers gegee. Vanaf Hein Pretorius, reg deur tot Cambrigde Companion en ander asook die skrywer van die spesifieke hoofstuk en wie die redakteur is, wanneer van toepassing en die hoofstukke gebruik. 
     
    Gaan kyk, dit is daar. 
     
    Meer tot die punt, ek verwag meer van jou, aangesien ek al agtergekom het, ons keuses van boeke toon 'n verbasende ooreenstemming en ook omdat jy al duidelik uitgelig het, jy wil nie onder illusies leef nie, en dan faal jy jou self. 
     
    Dalk ontvang jy tog wat die skrywer bedoel, en bied net vir die leser hier iets anders aan. 
     
    Dit is ook moontlik, dalk sien jy dit nie eers meer nie. 
     
    Ek weet nie wat gebeur met jou wanneer jy lees nie. 
     
    Wat die Roth betref, ek kan dit seker weer gaan lees, maar daar is soveel ander goed wat ek wil lees en wag vir my op my Ipad. 
     
    Capital in the Twenty First Century - Thomas Piketty. ('n Studie oor ekonomiese ongelykheid). 
     
    The Second Machine Age - Erik Brynjolfsson & Andrew Mcafee. ('n Studie oor die koms van die "robots" en die effek wat dit op arbeid het). 
     
    The Sixth Extinction - Elizabeth Kolbert. 
     
    We Are Our Brains - D.F. Swaab
     
    Duty Memoirs of a Secretary at war -  Robert M. Gates. 
     
    Met dit kan jy sekerlik besef, dat jy nie my hoogste prioriteit is nie. 
     
    Soms onderbreek ek wel my eie lees, en lees vir 'n onderwerp, soos gedoen met die gesprek met Chris, en dit het ek geniet, die gevoel van 'n boekklub gehad. 
     
    Ek wou 'n boek aanbied wat ek gelees het oor volksmoord na aanleiding van jou vorige bespreking daaroor, maar sou die kritiek dan weer gewees het, "hy, wouter", skryf oor die onderwerp wanneer ek daaroor skryf.
     
    Ander algemene opmerkings. 
     
    Kan jy asseblief 'n ander beskrywing soek as "leesmasjien". 
     
    Oorweeg ook dalk 'n IPAD, na aanleiding van die kunsboeke wat jy uitgelig het. 'n IPAD, is gemaak vir tydskrifte en boeke wat ryk in beelde is. Kry vir jou 'n IPAD, met die Kindle app, wat jou nog steeds gaan toelaat om jou boeke van Amazon op jou IPAD te lees en kry die voordeel van 'n rekening by Apple vir jou klassieke musiek. Koop jou boeke op jou rekenaar en stuur en dit na jou Kindle App op die IPAD. Ek het ook al die tydskrifte waarop ek ingeskryf is, geskuif van my Kindle na my IPAD. The NewYorker, Economist, Fortune & Times Literary Supplement" en is die IPAD perfek daarvoor.
     
    Ook aan jou gedink met die volgende, 'n reeks deur BBC Radio 3 wat die stand van klassieke musiek in 1914, in 'n reeks poskaarte uitbeeld en kan jy dit hier luuister: 
     
     
    Lekker lees en hoop jy luister daarna en probeer jou medemens ruimte te gee, hierdie is almal se land. 
     
    Baie dankie
     
    Wouter 
  • Johannes Comestor

    Ek het voorheen verduidelik dat ek om twee redes boeke op LitNet bespreek. Die selfsugtige rede is dat dit 'n rekord skep waarmee ek my geheue onderskraag. Ek hoef nie hierdie inligting openbaar te maak nie. Die altruïstiese rede is dat deur hierdie notas te publiseer ander mense dalk ook daarby kan baat. Daar is geen verskuilde egoïstiese bymotiewe nie.

     

    Daar is werklik geen rede in die hemel of op die aarde waarom ek Berlin, Bloom, Bellow of wie ook al se geskrifte doelbewus sal verdraai om LitNetters te mislei nie. Maar Wouter hou aan met sy geteem soos die gedrup op 'n sinkdak. Ek het nog een boekbespreking gereed wat ek hierdie naweek sal stuur. Ek publiseer ook elders en vind dit al hoe moeiliker om aan albei reg te laat geskied. Na al die jare het die tyd seker aangebreek dat ek my boekbesprekings op LitNet staak.

     

    Johannes Comestor

  • Hello Comestor, 

     
    In die afgelope jaar en in 2013, op hoeveel van jou skrywes het ek kommentaar gelewer, minimaal. Selfs met die Roth van die week het my kommentaar glad nie in dialoog met jou brief gestaan nie. 
     
    Ook het ek nie aangedui dat jy Bellow wanvoorgestel het nie. Die aspek wat ek met die Bellow aanspreek is anders, as die een van wanvoorstelling, maar die ou vraag van wie is beskaafd en wie nie en die gebruik van Tolstoy deur 'n Afrikaner aan die hand van 'n Amerikaner om te "bewys" hoe beskaafd die wittes kwansuis sou wees. 
     
    My kommentaar was beperk tot Berlin en Bloom en een of ander twee skrywers, en is dit net opgehaal omrede jy beweer het dat ek jou wanvoorstel, en dan daarom dan die herinnering van vorige gevalle waar dit bespreek was en ek briewe aangebied het wat dit gestaaf het. 
     
    Jy maak ook 'n skuif, deur te beweer, dat aangesien ek ook die Roth gelees het, ek hierdie keer nie kritiek gevind het met dit, en dat jy dus met die implikasie daarvan, dat jy die Roth korrek aangebied het en dat my kritiek voorheen net was omdat ek self nie die boek gelees het nie. 
     
    Die waarheid is egter heel anders, en dit gaan kras wees, maar hier kom dit. 
     
    Vir my is jy nie 'n bron van inligting nie, aangesien ek beter besprekings van Bellow se boek in die "Newyorker", "New York Review of Books" en ander publikasies waarop ek ingeskryf is gelees het. 
     
    Op hierdie stadium is al wat ek van jou neem, 'n titel en 'n skrywer van die boek indien die opskrif my aandag trek en dan gaan koop ek die boek self. Met jou vertelling daarvan het ek nie meer belang nie. 
     
    Die "Trivium boek" was 'n verkeerde keuse, maar die Harvey Sachs was 'n goeie koop.  
     
    Maar hierdie is net ek, daar is meer as genoeg hier wat waardering het vir wat jy doen. 
     
    Ek is net nie een van hulle nie. 
     
    Baie dankie
     
    Wouter
  • Vanaf 3 April 2013 tot 4 April 2014

     
    Roger Scruton: The Face of God - Kommentaar wat inligting bygevoeg het
     
    Michael Ignatieff: Isaiah Berlin - Alternatiewe brief geplaas
     
    Abraham Lincoln en slawerny - Detail bespreking deur Andrew Delbanco - wat jou uiteindelik van daardie onderwerp af het. 
     
    Harvey Sachs: The Ninth - Het ek jou geprys ten hemele
     
    Ben Shapiro: Brainwashed - kommentaar gelewer - een "rightwing nutjob" se bespreking is die finale antwoord oor die stand van universiteite. "Give me a break". 
     
    Miriam Joseph: The Trivium - Die boek het net nie vir my gewerk nie en het ek dit opgevolg met Amanda Ripley et al. 
     
    Herbert Lottman: Albert Camus: A Biography - Geen kommentaar op jou brief nie - net my alternatiewe brief geplaas op dieselfde dag. 
     
    Bruce Maddy-Weitzman: The Berber Identity Movement - 'n Vraag gevra - hoe kan die onderdrukking van die Berbers - antwoorde bied vir die Afrikaner wat onderdrukkers was. 
     
    Bruce Bawer: The victims’ revolution (Deel 1 & 2) - Het voorspel jy gaan dit doen, jou tweede verdoemende bewys vir die verval van Amerikaanse universiteite. Vir jou het Ben Shapiro & Bruce Bawer genoegsame bewys vir die verval van Amerikaanse Universiteite gebied. Hoe dit in jou boek geld as 'n ewewigtige en diep studie, sal net jy weet. 
     
    Claudia Roth Pierpont: Roth Unbound - geen interaksie met jou skrywe nie -  Kommentaar wat inligting bygevoeg het. 
     
    Konstante geteem seg jy? 
  • Hello Comestor, 

     
    Aangesien jy in hierdie omgewing is. Dan in die Financial Times van vandag, 5 April 2014, die tydskrif, die volgende deur Simon Schama: 
     
    How Matisse and Picasso turned old age into art
    By Simon Schama, 
     
     
    Henri Matisse: The Cut-Outs’ is at Tate Modern, London, from April 17 to September 7, tate.org.uk, and at the Museum of Modern Art, New York, from October 14 to February 9 2015, moma.org. The global sponsor is Bank of America Merrill Lynch..........
  • Reageer

    Jou e-posadres sal nie gepubliseer word nie. Kommentaar is onderhewig aan moderering.


     

    Top